Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
کولمبو: سری لنکا فتح کی ٹریک پر آگیا، تیسرے میچ میں مہمان ٹیم کو 6 وکٹوں سے شکست دے دی۔
تفصیلات کے مطابق کولمبو کے پریماداسا اسٹیڈیم میں کھیلے گئے تیسرے ون ڈے میچ میں مہمان آسٹریلیا نے ٹاس جیت کر پہلے بیٹنگ کا فیصلہ کیا، ٹریس ہیڈ 70، ایرون فنچ اور ایلیکس کیری کے 49 رنز کی بدولت کینگروز نے مقررہ اوور میں 6 وکٹوں کے نقصان پر 291 رنز بنائے۔
سری لنکا کی جانب سے جیفری وینڈیسے نے 3 کھلاڑیوں کو پویلین کی راہ دکھائی، دھانجیاڈی سلوا نے 2 کھلاڑیوں کا شکار کیا۔
دو سو بانوے رنز کے ہدف کے تعاقب میں سری لنکا نے جارحانہ انداز اپنایا، اوپنر بیٹر پتھم نسانکا کی تاریخ ساز سینچری بناکر اپنی ٹیم کو فتح دلائی، اوپنر بیٹر نے 137 رنز کی شاندار اننگز کھیلی اور سری لنکا نے 6 وکٹوں سے کامیابی سمیٹی۔
ون ڈے میں پہلی سینچری بنانے پر پتھم نسانکا کو مین آف دی میچ کا ایوارڈ دیا گیا، پانچ میچوں کی سیریز میں سری لنکا کو 1-2 کی برتری حاصل ہوگئی ہے، دونوں ٹیموں کے درمیان چوتھا میچ کل کھیلا جائے گا۔
واضح رہے کہ سری لنکا نے مہمان ٹیم کو دوسرے ون ڈے میچ میں 26 رنز سے شکست دی تھی۔
