Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 سحر و افطار اور تراویح میں بلا تعطل بجلی فراہمی کا اعلان
اسلام آباد: پاور ڈویژن نے ملک بھر میں سحر و افطار اور تراویح میں بلا تعطل بجلی فراہمی کا اعلان کر دیا ہے۔
تفصیلات کے مطابق ترجمان پاور ڈویژن نے کہا ہے کہ سحر و افطار اور تراویح میں ملک میں بلا تعطل بجلی مہیا کی جائے گی، ان اوقات میں تمام فیڈرز پر بجلی کی فراہمی کو یقینی بنایا جائے گا۔
ترجمان نے بتایا کہ تمام بجلی تقسیم کار کمپنیوں کو اس سلسلے میں ضروری ہدایات دے دی گئی ہیں، کسی بھی عارضی تعطل کو دور کرنے کے لیے ڈسٹری بیوشن کمپنیوں کی ٹیمیں بھی تشکیل دے دی گئیں۔
پاور ڈویژن کے مطابق تمام ڈسٹری بیوشن کمپنیوں کے کنٹرول رومز بھی فعال کر دیے گئے ہیں، کنٹرول رومز میں 24 گھنٹے اسٹاف کی ڈیوٹیاں لگا دی گئیں۔
ترجمان کا کہنا ہے کہ سب ڈویژن لیول پر اضافی ٹرانسفارمرز اور دیگر ضروری آلات بھی فراہم کر دیے گئے ہیں۔
