Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 ساجد خان نے لیجنڈ کرکٹر کا ریکارڈ برابر کردیا
ڈھاکا: ایک اننگز میں 8 وکٹیں، ساجد خان نے اہم اعزاز اپنے نام کرلیا۔
ڈھاکا کی بے جان ٹیسٹ میں جان ڈالنے والے ساجد خان نے اپنی عمدہ بولنگ کے زریعے میچ کا نقشہ تبدیل کردیا ہے۔
پاکستان اور بنگلادیش کے درمیان کھیلے جارہے دوسرے ٹیسٹ کے آخری روز بنگلا دیش اپنی پہلی اننگز میں 87 رنز پر آل آؤٹ ہوئی، جس کا سہرا آف اسپنر ساجد خان کو جاتا ہے جنہوں نے بنگال ٹائیگرز کی 8 وکٹیں حاصل کیں۔
اسی کے ساتھ وہ ثقلین مشتاق کے بعد یہ اعزاز حاصل کرنے والے پاکستان کے دوسرے آف اسپنر بن گئے ہیں۔
اس سےقبل لیگ اسپنر عبدالقادر نے 1987 میں انگلینڈ کے خلاف 56 رنز دیکر 9 وکٹیں جب کہ سرفراز نواز نے 1979 میں آسٹریلیا کے خلاف 86 رنز دیکر 9 کھلاڑیوں کو آؤٹ کیا تھا۔
بنگلا دیش کو میچ کے آخری روز دو محاذوں کو سرکرنا ہوگا، پہلا یہ کہ اننگز شکست سے بچنے کے لئے درکار 119 رنز بنانے ہونگے دوم یہ کہ سیریز کو وائٹ واش سے بچانے کے لئے پورا دن کھیلنا ہوگا۔
بنگلادیش فالوآن کے بعد 4 وکٹوں کے نقصان پر 96 رنز بناچکی ہے۔
