Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
ابوظہبی : ماہ رمضان کے مقدس موقع پر صدر شیخ خلیفہ بن زاید النہیان نے ملک کی جیلوں سے439 قیدیوں کو رہا کرنے کا حکم جاری کردیا۔
اس حوالے سے یو اے ای ذرائع ابلاغ کا کہنا ہے کہ صدر نے رہائی پانے والے قیدیوں کے ذمہ مالی واجبات کو بھی طے کرنے کی یقین دہانی کرائی ہے۔
شیخ خلیفہ کا انسانی ہمدردی کی بنیاد پر کیا جانے والا یہ اقدام رواداری اور رحمدلی کی ان اقدار کیلئے ہے جس میں ان قیدیوں کو نئے سرے سے زندگی گزارنے کا موقع فراہم کرنا اور ان کے اہل خانہ اور معاشرے پر اس کے مثبت اثرات سے مستفید کرنا ہے۔
شیخ خلیفہ کی جانب سے سالانہ بنیادوں پر قیدیوں کی سزاؤں میں رعایت کا اعلان ہر ماہ رمضان سے قبل کیا جاتا ہے تاکہ معاشرے میں خاندانی روابط اور رشتوں کو تقویت ملے ۔
اس اقدام کا مقصد یہ بھی ہے کہ عیدالفطر کے موقع پر ماؤں اور بچوں کو خوشیاں نصیب ہوں اور رہا ہونے والے قیدیوں کو اپنے مستقبل کی نئے سرے سے بہتر تعمیر کا موقع میسر آئے اور وہ ذمہ داری کے ساتھ معاشرے میں اپنا کردار ادا کرسکیں۔
