Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 خیبرپختونخوا بلدیاتی انتخابات کے دوسرے مرحلے کا نوٹیفکیشن معطل
پشاور : پشاور ہائی کورٹ نے خیبرپختونخوابلدیاتی انتخابات کے دوسرے مرحلے کا نوٹی فکیشن معطل کرتے ہوئے رمضان المبارک کے بعد بلدیاتی الیکشن کرانے کی ہدایت کردی۔
تفصیلات کے مطابق پشاور ہائیکورٹ ایبٹ آباد بنچ نے خیبرپختونخوابلدیاتی انتخابات کے دوسرے مرحلے کے حوالے سے تحریری فیصلہ جاری کردیا، عدالت نے11صفحات پرمشتمل تفصیلی فیصلہ جاری کیا،جسٹس شکیل احمد نے فیصلہ تحریر کیا۔
فیصلے میں عدالت نےخیبرپختونخوا میں بلدیاتی انتخابات کے دوسرے مرحلے کا نوٹی فکیشن معطل کردیا اور چیف الیکشن کمشنر کو بلدیاتی انتخابات کے دوسرےمرحلے کو رمضان کے بعد منعقد کرانے کا حکم دے دیا۔
فیصلے میں کہا گیا کہ مارچ میں پہاڑی علاقوں میں برف باری کی وجہ سےالیکشن ممکن نہیں لگتا، محکمہ موسمیات کےمطابق مارچ میں بارشوں ، برفباری کاامکان ہے۔
تحریری فیصلے کے مطابق صوبائی حکومت اورمحکمہ موسمیات نے الیکشن کمیشن کومراسلہ جاری کیا، رپورٹ کےباوجود الیکشن کمیشن نےکوئی فیصلہ کن اقدام نہیں اٹھایا، الیکشن کمیشن اس ضمن میں اپنےفرائض کی انجام دہی میں ناکام رہا۔
عدالت کا کہنا تھا کہ بلدیاتی انتخابات کادوسرامرحلہ زیادہ ترپہاڑی علاقوں میں منعقدہوناہے، درخواست گزاروں کاموقف ہےسردموسم میں ووٹرزکانکلناممکن نہیں ، برف والےعلاقوں میں الیکشن عملےکوبھی مشکلات درپیش ہوں گی۔
فیصلے میں کہا گیا کہ موجودہ حالات کےتناظرمیں پہاڑی علاقوں میں شفاف انتخابات ممکن نہیں لگتے، الیکشن کمیشن پہاڑی علاقوں میں بلدیاتی انتخابات کا انعقاد رمضان کے بعد کرے۔
خیال رہے کوہستان، ناران کےعمائدین نے ہائیکورٹ بینچ میں الیکشن ملتوی کی درخواست دائر کی تھی۔
