Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
کراچی: ون ڈے اور ٹی ٹوئنٹی سیریز کھیلنے کے لئے ویسٹ انڈیز کی ٹیم پاکستان پہنچ گئی۔
تفصیلات کے مطابق پاکستان کے خلاف 3 ٹی ٹوئنٹی اور 2 ایک روزہ میچز کھیلنے کے لئے کیربئین ٹیم کراچی پہنچ گئی، ٹیم کی آمد پر سیکیورٹی کے سخت ترین انتظامات کئے گئے۔
نکولس پوران ویسٹ انڈیز ٹی20 کی قیادت کررہے ہیں جبکہ شائے ہوپ ویسٹ انڈیز ون ڈے ٹیم کے کپتان ہیں،ایک دن قرنطینہ میں رہنے کے بعد ویسٹ انڈین ٹیم کل سے ٹریننگ کا آغاز کرے گی۔
دونوں ٹیموں کے درمیان ٹی ٹوئنٹی سیریز کھیلی جائے گی، سیریز کے تمام میچز کراچی کے نیشنل اسٹیڈیم میں ہونگے، دونوں ٹیموں کے درمیان پہلا مقابلہ 13دسمبر کو ہوگا۔
یاد رہے کہ ویسٹ انڈیز نےآخری بار2018 میں پاکستان کادورہ کیا تھا۔
ویسٹ انڈیز کے خلاف ون ڈے اور ٹی 20 سیریز کے لیے قومی ٹیم کا اعلان گزشتہ دنوں کیا گیا تھا۔
ون ڈے اسکواڈ میں بابراعظم ، شاداب خان، آصف علی، فخرزمان، حیدرعلی، حارث رؤف، افتخاراحمد، امام الحق، خوشدل شاہ، محمد نواز، محمدرضوان، وسیم جونیئر، محمد حسنین، سعود شکیل، شاہین شاہ آفریدی، شاہنواز دھانی، عثمان قادر شامل ہیں۔
