خوردنی تیل، گھی اور فولاد سستا

0


ریاض: سعودی عرب میں ہالی ووڈ فلموں کی عکس بندی کے لیے ’العُلا منیجمنٹ‘ اور فلم کمپنی کے درمیان سمجھوتہ ہو گیا۔

تفصیلات کے مطابق سعودی عرب میں بین الاقوامی فلموں کی عکس بندی کو فروغ دینے کے لیے پروڈکشن کمپنیوں کے ساتھ سمجھوتے کیے جا رہے ہیں۔

حال ہی میں ضلع العُلا اور دارالحکومت ریاض میں ایک امریکی فلم ’چیری‘ کے کچھ مناظر کی عکس بندی کی گئی تھی، یہ مملکت میں ہالی ووڈ کی کسی فلم کی عکس بندی کا پہلا تجربہ تھا، اب یہاں کی انتظامیہ نے ایک دوسری فلم کی شوٹنگ کے لیے معاہدہ کر لیا ہے۔

حکام کے مطابق ضلع العلا میں فلم پروڈکشن کے سلسلے میں مطلوبہ تمام سہولیات اور لاجسٹک سپورٹ فراہم کرنے کا انتظام کر دیا گیا ہے۔ خیال رہے کہ سعودی عرب میں سیاحتی ویزوں کے اجرا کے بعد سے سینما اور ٹی وی پروڈکشن کمپنیوں کی جانب سے مملکت میں عکس بندی کے رجحان میں اضافہ ہوا ہے۔

پروڈکشن کمپنیاں العُلا اور مملکت کے دیگر کئی علاقوں کا دورہ کر رہی ہیں، تاکہ عکس بندی کے لیے مختلف مقامات کو دریافت کیا جا سکے۔ العُلا فلم مینجمنٹ نے انکشاف کیا ہے کہ دوسری امریکی فلم، جس کے لیے سمجھوتے پر دستخط ہوئے ہیں، میں ہالی ووڈ کے چوٹی کے اداکار کام کر رہے ہیں۔

واضح رہے کہ العُلا کا تاریخی اور تہذیبی ورثہ انسانی تاریخ میں 2 لاکھ سال قدیم ہے، یہ تاریخ یکے بعد دیگرے تہذیبوں کے 7 ہزار سال پر مشتمل ہے، اور رقبے کے لحاظ سے یہ 22500 کلو میٹر سے زیادہ پر پھیلا ہوا ہے۔

یہاں سحر انگیز وادیاں، ریتیلے پتھر، سیاہ آتش فشانی چٹانیں، سنہری ریت اور چٹانوں پر مشتمل حیرت انگیز مقامات واقع ہیں، اسی طرح یہاں دیہات، کھیتوں اور قدیم عمارتوں کے ساتھ ہوٹلوں کا انفرا اسٹرکچر بھی ہے جو فلم بنانے والوں کے لیے مختلف نوعیت کے آپشن فراہم کرتا ہے۔

LEAVE A REPLY

Please enter your comment!
Please enter your name here