Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 حج 2021 : پاکستان سعودی حکومت کے جواب کا منتظر
اوکاڑہ:وفاقی وزیرمذہبی امور نورالحق قادری کا کہنا ہے کہ سعودی حکومت نے حج کیلئے ابھی تک کوئی اپ ڈیٹ نہیں دی ، اس حوالے سے ہم مسلسل رابطےمیں ہیں۔
تفصیلات کے مطابق وفاقی وزیرمذہبی امور نورالحق قادری نے جامعہ اشرف المدارس میں گفتگو کرتے ہوئے کہا کچھ ممالک کیلئےسعودی عرب کے ایس اوپیز بہت سخت ہیں، سعودی حکومت نے حج کیلئے ابھی تک کوئی اپ ڈیٹ نہیں دی۔
نورالحق قادری کا کہنا تھا ہم سعودی حکومت سےمسلسل رابطےمیں ہیں، سعودی عرب سے ابھی تک حج کیلئے ایم اویونہیں ہوا۔
گذشتہ روز وزیرمذہبی امور نورالحق قادری نے اے آر وائی نیوز کے پروگرام باخبر سویرا میں گفتگو کرتے ہوئے کہا تھا کہ سعودی عرب اب بھی حجاج کرام سے حج کے لئے درخواستیں قبول نہیں کررہا ، امیدہے اگلے 5ماہ میں صورتحال بہترہوجائےگی ، ویکسین آنے کے بعد امید ہے حج ادائیگی معمول کے مطابق ہوگی۔
وزیر نے بتایا کہ سعودی حکام کی جانب سے حج کے حوالے سے کوئی واضح احکام نہیں آئے اور نہ ابھی تک حج سے متعلق پاکستان کے ساتھ مفاہمت کی یادداشت پر دستخط کیے ہیں۔
