جونیئر ایشیاء ہاکی کپ کے شیڈول کا اعلان کر دیا گیا جوکہ یکم سے 10 جولائی تک بنگلہ دیش میں منعقد ہوگا۔
جونئیر ایشاء کپ کی تاریخ میں پہلی مرتبہ 10 ٹیمیں شرکت کریں گی جس کے تمام میچز مولانا بھاشانی نیشنل ہاکی اسٹیڈیم ڈھاکہ میں کھیلے جائیں گے۔
شیڈول کے مطابق ایک دن میں 4 میچز کھیلے جائیں گے۔
ٹورنامنٹ کے لیے 10 ٹیموں کو 2 گروپس میں تقسیم کیا گیا ہے۔ گروپ اے میں پاکستان، بھارت، کوریا، بنگلہ دیش اور چائنیز تائپے جبکہ گروپ بی میں ملائیشیا، جاپان، چین، سنگاپور اور ازبکستان شامل ہے۔
روایتی حریف پاکستان اور بھارت کا مقابلہ 4 جولائی کو ہوگا۔
جونیئر ایشیاء ہاکی کپ گزشتہ سال دسمبر میں شیڈول تھا جو کرونا وائرس وباء کی وجہ سے ملتوی کر دیا گیا تھا۔
