جنوبی پنجاب سیکریٹریٹ غیرفعال کیوں ہوا؟ وجوہات سامنے آگئیں

جنوبی پنجاب سیکریٹریٹ کی غیرفعالی پر فیکٹ فائنڈنگ رپورٹ سامنے آگئی جس میں معلوم ہوا ‏ہے کہ سیکریٹریٹ میں72 فیصد آسامیاں خالی ہیں۔

ذرائع کے مطابق جنوبی پنجاب سیکریٹریٹ میں 200 سے زائدافسران نےجانےسے معذرت کی جب ‏کہ رابطوں کافقدان بھی غیرفعالی کی بڑی وجہ ہے۔

ذرائع کا کہنا ہے کہ وزیراعلیٰ پنجاب کی بنائی وزرا کمیٹی کو بریفنگ میں مسائل کی نشاندہی کی ‏گئی، سیکرٹریٹ کیلئےمختص 822 نشستوں پر صرف 232 پر تعیناتیاں ہوئیں۔

ایڈیشنل سیکرٹری کی24میں سے15نشستوں پرتعیناتیاں ہوئیں جب کہ ڈپٹی سیکرٹری کی50میں سے ‏‏20 نشستوں پرتعیناتیاں کی جا سکیں۔

گریڈ 1سے16 کی648نشستوں میں سے137پرتعیناتیاں ہوسکیں، گریڈ17کی85نشستوں میں سے46 پر ‏افسران کو تعینات کیاجاسکا۔