‘تحریک انصاف کی حکومت پاکستان کی سب سے شفاف حکومت ہے’

0


لاہور : وزیراعلیٰ پنجاب عثمان بزدار کا کہنا ہے کہ تحریک انصاف کی حکومت پاکستان کی سب سے شفاف حکومت ہے، ڈھائی برس میں وہ کام کیے، جو سابق حکومتیں برس ہا برس نہ کر سکیں۔

تفصیلات کے مطابق وزیراعلیٰ پنجاب عثمان بزدار نے اپنے بیان میں کہا ہے کہ عمران خان کی قیادت میں شفاف پاکستان کی بنیاد رکھی گئی ہے، تحریک انصاف کی حکومت پاکستان کی سب سے شفاف حکومت ہے۔

عثمان بزدار کا کہنا تھا کہ ڈھائی برس میں حکومت کا ایک بھی سکینڈل سامنے نہیں آیا، الزامات کی سیاست کرنے والوں کاکوئی مستقبل نہیں، پروپیگنڈاکرنے والے جان لیں عوام کی خدمت کھوکھلے دعوؤں سےنہیں ہوتی۔

وزیراعلیٰ پنجاب نے کہا کہ الزامات لگانے والےپہلے اپنےکرپشن آلود گریبانو ں میں جھانکیں، مسترد عناصرمحض سیاسی قد بڑھانے کے لیے تنقید برائے تنقید کر رہے ہیں، حکومت نے عوام کی فلاح و بہبود کے عملی اقدامات کیے ہیں۔

ان کا کہنا تھا کہ وزیراعظم عمران خان کی صورت پاکستان کو کھرااورمخلص لیڈرملاہے، ڈھائی برس میں وہ کام کیےجو سابق حکومتیں برس ہا برس نہ کر سکیں۔

LEAVE A REPLY

Please enter your comment!
Please enter your name here