Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
اے این پی کے ترجمان اسد خان اچکزئی کے قتل کا ڈراپ سین
Abdul Rehman
کوئٹہ: عوامی نیشنل پارٹی (اے این پی) کے ترجمان اسد خان اچکزئی کے قتل کا ڈراپ سین ہوگیا، ڈی آئی جی کوئٹہ نے اسد اچکزئی کے اغوا اور قتل کے معاملے سے پردہ اٹھا دیا۔
اے آر وائی نیوز کی رپورٹ کے مطابق ڈی آئی جی پولیس کوئٹہ کا کہنا ہے کہ اے این پی ترجمان اسد اچکزئی کا قاتل لیویز کا سپاہی نکلا ہے، واضح رہے کہ اسد اچکزئی کی لاش کوئٹہ کے علاقے نوحصار سے برآمد ہوئی تھی، وہ پانچ ماہ قبل ایئرپورٹ روڈ سے لاپتا ہوئے تھے۔
ڈی آئی جی کا کہنا ہے کہ ملزم اسرار لیویز کا سپاہی ہے اور ڈکیتی کی واردات میں ملوث ہے، 5 ماہ قبل اندھے کیس کا معمہ حل کرکے ملزم کو گرفتار کرلیا گیا ہے۔
انہوں نے بتایا کہ گرفتار ملزمان سے اسد خان اچکزئی کی گاڑی بھی ملی ہے، ملزمان نے اسد اچکزئی سے گاڑی چھین کر قتل کرنے کا اعتراف کیا ہے۔
ڈی آئی جی پولیس نے کہا کہ مقتول اسد اچکزئی نے لیویز اہلکار کو لفٹ دی تھی، ملزم نے اسد کو قتل کرکے لاش کھائی میں پھینک دی تھی، ملزم نے انہیں پانچ ماہ پہلے ہی قتل کردیا تھا، اغوا کا مقدمہ درج ہوتے ہی پولیس نے تلاش شروع کردی تھی۔
دوسری جانب وزیراعلیٰ بلوچستان جام کمال کا کہنا تھا کہ اسد خان کی بازیابی کے لیے حکومت نے ہر ممکن کوشش کی، ان کے اغوا اور قتل کی تحقیقات کے لیے ہر حد تک جائیں گے۔
