Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 ایم کیو ایم رہنماؤں کے خلاف اشتعال انگیز تقاریر کا فیصلہ سنادیا گیا
کراچی: شہر قائد کی مقامی عدالت نے ایم کیو ایم رہنماؤں کے خلاف اشتعال انگیز تقاریر کے اکیس مقدمات کا فیصلہ سنادیا ہے۔
تفصیلات کے مطابق انسداد دہشت گردی کی عدالت نے اشتعال انگیز تقاریر کے اکیس مقدمات کا فیصلہ سنادیا اور ایم کیو ایم کے کئی رہنماؤں کو بری کردیا ہے۔
بری ہونے والوں میں فاروق ستار، سابق میئر کراچی وسیم اختر، رکن سندھ اسمبلی خواجہ اظہار، رؤف صدیقی، سلمان مجاہد و دیگر شامل ہیں، تمام افرادپر بانی ایم کیوایم کی اشتعال انگیزتقاریرمیں سہولت کاری کےمقدمات درج تھے۔
یاد رہے کہ بانی ایم کیو ایم نے 22 اگست 2016 کو کراچی پریس کلب کے باہر بھوک ہڑتالی کیمپ میں بیٹھے کارکنان سے خطاب کیا تھا جس کے بعد وہ مشتعل ہوگئے اور انہوں نے پاکستان مخالف نعرے لگا کر اے آر وائی نیوز کے دفتر پر دھاوا بول دیا تھا۔
مظاہرین نے دفتر میں شدید توڑ پھوڑ کے ساتھ سیکیورٹی عملے کو تشدد کا نشانہ بنایا تھا جبکہ خواتین سمیت دفتر میں موجود ملازمین کو ہراساں بھی کیا تھا۔ ایک روز بعد ایم کیو ایم رہنماؤں نے فاروق ستار کی قیادت میں اپنے قائد کے بیان سے لاتعلقی کا اظہار کیا تھا جس کے بعد متحدہ قومی موومنٹ دو دھڑوں، ایم کیو ایم پاکستان اور ایم کیو ایم لندن میں تقسیم ہوگئی
