آئی فون کریڈٹ کارڈ کی جگہ لے لے گا

0


ہماری زندگی کے بے شمار کام اب آن لائن یا اسمارٹ فون کے ذریعے ہوجاتے ہیں، امریکی ٹیکنالوجی کمپنی ایپل نے اس بات کا عندیہ دیا ہے کہ آئی فون کریڈٹ کارڈ کی جگہ لے لے گا۔

ٹیکنالوجی جائنٹ ایپل نے گزشتہ روز ریاست کیلی فورنیا میں شروع ہونے والی 4 روزہ ایپل ورلڈ وائڈ ڈیولپرز کانفرنس میں آئی فون کے لیے کچھ منفرد اور اہم فیچرز بھی متعارف کروا دیے ہیں۔

کانفرس میں شامل مندوبین کا کہنا ہے کہ سلیکون ویلی میں 10 جون تک جاری رہنے والی اس ٹیکنالوجی کانفرنس میں آئی فون کو ادائیگیوں کے لیے مؤثر طور پر استعمال کرنے کا منصوبہ بھی پیش کردیا گیا ہے۔

کمپنی کی جانب سے جاری ہونے والی پریس ریلیزکے مطابق کانفرنس میں ایپل کے بائے ناؤ، پے لیٹر فیچر کو مندوبین کی جانب سے بہت پسند کیا جا رہا ہے۔

ممکنہ طور پر اس فیچر کو ایپل آپریٹنگ سسٹم آئی او ایس 16 میں متعارف کروایا جائے گا، اس فیچر کی بدولت استعمال کنندگان خریدی جانے والی کسی بھی شے کی ادائیگی ڈیڑھ ماہ کی 4 برابر اقساط میں ادا کرسکیں گے۔

یہ فیچر آئی فون صارفین کے ایپل والٹ میں بلٹ ان ہوگا اور وہ اسے آن لائن اور بذریعہ ایپ دونوں طریقوں سے استعمال کرسکیں گے۔

ایپل کی جانب سے ایپل ورلڈ وائڈ ڈیولپرز کانفرنس 2022 میں زیادہ توجہ ادائیگیوں کے نظام پر ہے، اور اسی تناظر میں ٹیکنالوجی جائنٹ نے ٹیپ ٹو پلے کے نام سے رواں ماہ کے آخر میں اس فیچر کو متعارف کروانے کا اعلان کیا ہے، جس کے تحت کسی بھی اسٹور پر ایپل آئی فون کی مدد سے صرف ایک کلک سے کسی بھی چیز کی قیمت با آسانی ادا کی جاسکے گی۔

ایپل کی جانب سے اس فیچر کو ٹیپ ٹو پے کے نام سے رواں ماہ کے آخر میں تمام آئی فون صارفین کے لیے جاری کردیا جائے گا۔

LEAVE A REPLY

Please enter your comment!
Please enter your name here