امارات میں پٹرول اور ڈیزل کے نرخوں کا اعلان

یو اے ای میں ماہ جنوری کے لیے پٹرول اور ڈیزل کے نرخوں کا اعلان کیا ہے اور سال نو میں عوام کو ریلیف دیتے ہوئے میں قیمتوں میں کمی کر دی ہے۔

عرب میڈیا کے مطابق متحدہ عرب امارات میں جنوری 2023 کے لیے پٹرول اور ڈیزل کے نئےنرخوں کا اعلان کیا گیا ہے۔ قیمتوں میں دسمبر کے مقابلے میں کمی کی گئی ہے۔

پٹرولیم مصنوعات کے نئے نرخوں کے مطابق پٹرول سپر 98 کی نئی قیمت جنوری کے لیے 2.78 درہم فی لیٹر مقرر کی گئی ہے جو گزشتہ ماہ دسمبر میں 3.30 درہم فی لیٹر تھی۔

پٹرول اسپیشل 95 کی قیمت میں بھی کمی کی گئی ہے اور دسمبر میں 3.18 درہم فی لٹر دستیاب پٹرول کی نئی قیمت کم کرکے 2.67 درہم فی لیٹر رکھی گئی ہے۔ اس کے علاوہ ای پلس91 کمی کے بعد اب 2.59 درہم فی لٹر میں دستیاب ہوگا جو گزشتہ ماہ دسمبر میں3.11 درہم لٹر فروخت کیا جا رہا تھا۔

پٹرول کے علاوہ ڈیزل کی قیمت میں بھی کمی کی گئی ہے اور نئی قیمت 3.29 مقرر کی گئی ہے۔ ڈیزل کی قیمت دسمبر میں 3.74 درہم فی لٹر تھی۔