اسٹیبلشمنٹ ڈویژن نے بیوروکریٹس کے ای میل ایڈریس بنادیئے

اسلام آباد، لندن طویل تاخیر کے بعد اسٹیبلشمنٹ ڈویژن نے سرکاری رابطوں کے لیے اپنے زیر اثر تمام بیوروکریٹس کے ای میل اکائونٹس بنادیے ہیں۔ اس کے علاوہ ای میل ڈومین بھی متعارف کروادیا گیا ہے۔ روزنامہ جنگ میں طارق بٹ کی شائع خبر کےمطابق ان بیوروکریٹس میں پاکستان ایڈمنسٹریٹیو سروس، پولیس سروس آف پاکستان، سیکرٹریٹ گروپ اور آفس مینجمنٹ گروپ شامل ہیں۔دوسری جانب ایک رپورٹ کے مطابق گوگل نے جی میل میں ایک اور نئے فیچر کا اضافہ کر دیا۔ اب صارفین جی میل کے اندر ہی دستاویزات کو ایڈٹ کرسکیں گے۔دنیا کی مقبول ترین ای

میل سروس جی میل میں اب صارفین مائیکرو سافٹ آفس فائلز کو گوگل ڈرائیو میں محفوظ کیے بغیر بھی تبدیلیاں کرسکیں گے۔ ملکی میڈیا رپورٹ کے مطابق اس سے قبل گوگل کی جانب سے مائیکرو سافٹ آفس فائلز میں ایڈیٹنگ کی سہولت تو دی گئی تھی مگر اس کے لیے گوگل ڈرائیو کا سہارا لینا پڑتا تھا۔نئی اپ ڈیٹ کے بعد صارفین جی میل کے اندر ہی دستاویزات کو ایڈٹ کرسکیں گے اور گوگل ڈرائیو پر محفوظ کرنے کی ضرورت نہیں ہو گی۔یعنی جب کسی صارف کو ای میل میں ورڈ یا ایکسل فائل ملے گی تو سنگل کلک پر وہ اپنی مرضی کی ایڈیٹنگ کرسکیں گے۔ اسی طرح صارفین اوریجنل ای میل تھریڈ پر اپ ڈیٹ فائلکے ساتھ واپس بھی بھیج سکیں گے۔گوگل کی جانب سے یہ بھی اعلان کیا گیا ہے کہ وہ گوگل ڈاکس میں مکس پیج سپورٹ بھی متعارف کرائی جارہی ہے۔ اس سپورٹ کے ساتھ صارفین نئی دستاویز کے ساتھ ورڈ فائلز لینڈ اسکیپ اور پورٹریٹ پیج کے ساتھ ایڈٹ کرسکیں گے۔