اسٹرنگز کی آخری ملاقات کی تصویر وائرل

پاکستانی میوزک انڈسٹری کا شہرہ آفاق بینڈ اسٹرنگز کی الوداعی ملاقات کی تصویر سوشل میڈیا پر وائرل ہوگئی۔

تینتس برس قبل قائم ہونے والے راک بینڈ اسٹرنگز کے بانی بلال مقصود نے اپنے ساتھی گلوکار فیصل کپاڈیہ اور دیگر ساتھیوں کے ہمراہ لی گئی آخری تصویر سوشل میڈیا پر شیئر کی۔

تصویر کے ساتھ بلال مقصود نے لکھا کہ فائنل بینڈ میٹنگ، انہوں نے کہا کہ 33 سال ہم دونوں (بلال اور فیصل) کےلیے شاندار تھے، امید ہےمداح بھی ہمارے اس فیصلے کی قدر کریں گے۔

خیال رہے کہ بلال مقصود نے دو روز قبل 1988 میں قائم کیے گئے بینڈ کو اچانک ختم کرنے کا اعلان کیا تھا، انہوں نے کہا کہ فنی اعتبار سے ہمارا بینڈ ختم ہوچکا ہے لیکن ہم دونوں کا تعلق قائم رہے گا۔