اسلام آباد: وفاقی وزیر اسد عمر کا کہنا ہے کہ پاک فوج کیلئے آئی کورونا ویکسین ہیلتھ ورکرزکو دینا ایک عظیم فیصلہ ہے، فیصلہ حکومتی فیصلے سے مطابقت رکھتا ہے۔

اسلام آباد: وفاقی وزیر اسد عمر کا کہنا ہے کہ پاک فوج کیلئے آئی کورونا ویکسین ہیلتھ ورکرزکو دینا ایک عظیم فیصلہ ہے، فیصلہ حکومتی فیصلے سے مطابقت رکھتا ہے۔

تفصیلات کے مطابق وفاقی وزیر اسد عمر نے سماجی رابطے کی ویب سائٹ پر اپنے پیغام میں کہا کہ پاک فوج کیلئےآئی ویکسین ہیلتھ ورکرزکودیناایک عظیم فیصلہ ہے، چین کی پیپلزلبریشن آرمی کی خصوصی کنسائنمٹ پاک فوج کےلیےتھی، پاک فوج کافیصلہ حکومتی فیصلےسےمطابقت رکھتاہے، ویکسین کےسب سے زیادہ حق دارہیلتھ کیئر ورکرزہیں۔

یاد رہے افواج پاکستان نے قوم کے لئے جذبہ ایثار کا مظاہرہ کرتے ہوئے دوست ملک چین کی جانب سے دی گئی کورونا ویکسین مسیحاؤں کے نام کردی تھی۔

ڈی جی آئی ایس پی آر کا کہنا تھا کہ افواج پاکستان نے چین کی عطیہ کی گئیں ویکسین قومی ویکسین پروگرام میں دینے کا فیصلہ کیا ہے، ہمارے فرنٹ لائن ورکرز ویکسین کے زیادہ مستحق ہیں۔

ان کا کہنا تھا کہ کورونا وبا کے ہیرو زہیلتھ ورکرز، فرنٹ لائن ورکرز ہیں، ڈاکٹرز،پیرامیڈکس نے فرنٹ لائن پر کورونا کامقابلہ کیا ، چین نے حکومت پاکستان کی طرح مسلح افواج کو بھی ویکسین کا عطیہ دیا ، چین کی جانب سے کورونا ویکسین عطیہ کرنے پر شکرگزار ہیں۔