Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 ابوظبی میں داخلے پر کورونا ایپس میں گرین اسٹیٹس ضروری
ابوظبی : متحدہ عرب امارات کی ریاست ابوظبی میں کورونا وائرس کی روک تھام کے لیے اپنایا گیا پروٹوکول اپ ڈیٹ کرکے دوبارہ ترتیب دے دیا گیا ہے۔
عرب نیوز کے مطابق جمعرات30 دسمبر سے امارات کی دیگر ریاستوں سے گاڑیوں کے ذریعے ابوظہبی میں داخل ہونے والوں کو چیک پوائنٹ پر الہوسن ایپ پر کورونا ویکسین کا گرین پاس ضروری دکھانا ہو گا۔
ابوظہبی میڈیا آفس نے منگل کو ٹویٹر پر اعلان کیا ہے کہ جن افراد نے کورونا ویکسین کی پوری خوراک نہیں لی ان کے لیے ریاست میں داخلے کی اجازت کے لیے 96 گھنٹوں کے اندر موصول ہونے والے منفی پی سی آر ٹیسٹ کا سرٹیفکیٹ لازمی طور پر پیش کرنا ہوگا۔
وضاحتی بیان میں مزید بتایا گیا ہے کہ کورونا وائرس کے خطرات سے نمنٹے کے لیے نئے پروٹوکول میں کورونا وائرس کے ممکنہ کیسز کا تیزی سے پتہ لگانے کے لیے ای ڈی ای سیکنر استعمال کیا جائے گا۔
ابوظہبی میڈیا آفس نے ٹوئٹر کے پیغام میں مزید واضح کیا ہے کہ ریاست میں داخلے کا نیا طریقہ کار متعارف کرایا جانا کورونا وائرس سے تحفظ کے لیے صحت عامہ کے مطابق احتیاطی تدابیر میں اضافہ کی کوششوں کے مطابق ہے۔
واضح رہے کہ گزشتہ ہفتوں کے دوران متحدہ عرب امارات میں کورونا وائرس کے کیسز میں تیزی سے اضافہ ہوا ہے۔ منگل 28 دسمبر کو یہاں 1846 کورونا کیسز مثبت رپورٹ ہوئے ہیں جب کہ رواں ماہ کے آغاز میں کورونا کیسز کی یومیہ تعداد 50 سے بھی کم رپورٹ ہو رہی تھی۔
