Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 کیوی اسپنر اعجاز پٹیل نے عالمی ریکارڈ برابر کردیا
نیوزی لینڈ کے اسپنر اعجاز پٹیل نے بھارت کے خلاف ممبئی ٹیسٹ کے دوسرے روز دس وکٹیں حاصل کرکے عالمی ریکارڈ برابر کردیا۔
تفصیلات کے مطابق نیوزی لینڈ کے خلاف پہلے ٹیسٹ کے دوسرے روز بھارتی ٹیم اپنی پہلی اننگز میں 325 رنز بنا کر آل آؤٹ ہوئی، کیوی اسپنر اعجاز پٹیل نے میچ میں دس وکٹیں حاصل کیں۔
اعجاز پٹیل ایک اننگز میں دس وکٹیں حاصل کرنے والے دنیا کے تیسرے بولر بن گئے۔
پٹیل ممبئی ٹیسٹ میں بھارت کے دس کھلاڑیوں کو آؤٹ کرنے میں کامیاب ہوئے، اس سے قبل انگلینڈ کے جم لیکر اور بھارت کے انیل کمبلے نے اننگز میں دس وکٹیں حاصل کرنے کا اعزاز حاصل کیا تھا۔
واضح رہے کہ بھارتی اسپنر انیل کمبلے نے پاکستان کے خلاف ایک اننگز میں دس وکٹیں حاصل کی تھیں۔
ممبئی ٹیسٹ کے دوسرے روز کھیل کے اختتام پر بھارت نے اپنی دوسری اننگز میں بغیر کسی نقصان کے 69 رنز بنالیے، بھارتی ٹیم پہلی اننگز میں 325 رنز بنا کر آؤٹ ہوئی تھی جبکہ کیوی ٹیم پہلی اننگز میں 62 رنز پر ڈھیر ہوگئی۔
بھارت نے نیوزی لینڈ کے خلاف 332 رنز کی برتری حاصل کرلی، میانک اگروال 38 اور چتیشور بجارا 29 رنز کے ساتھ تیسرے روز کھیل کا آغاز کریں گے۔
