کراچی: کراچی کنگز ٹورنامنٹ میں واپسی کا عزم لئے آج اسلام آباد یونائیٹڈ سے مقابلہ کرے گی۔
اے آر وائی نیوز کے مطابق پی ایس ایل سیزن سیون کے 14ویں میچ میں آج اسلام آباد اور کراچی کنگز مدِمقابل ہوں گے، سنسنی خیز مقابلہ شام ساڑھے سات بجے شروع ہوگا۔
کراچی کنگز کے شائقین نے بلے بازی میں کپتان بابراعظم اور جارح مزاج بلے باز شرجیل خان سے امیدیں لگالیں ہیں جبکہ فاسٹ بولر کرس جارڈن اور عثمان شنواری کی فائنل الیون میں شمولیت سے کراچی کنگز کا بولنگ اٹیک مضبوط ہوگیا ہے۔
گذشتہ روز لاہور قلندرز کے ہاتھوں شکست کے بعد اسلام آباد یونائیٹڈ کا بھی باؤنس بیک ہدف ہوگا۔
دونوں ٹیموں میں اب تک سولہ مقابلے ہوئے اسلام آباد کو دس فتوحات کےساتھ برتری حاصل ہے جبکہ کراچی کنگز نےچھ بارکامیابی سمیٹی۔
پہلےبیٹنگ کا موازنہ کیا جائے تو دونوں ٹیموں نے ایک ایک میچ جیت رکھا ہے جبکہ دوسری بیٹنگ میں نو مقابلےاسلام آباد اور پانچ کنگز کےنام رہے۔
