Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
کراچی: ڈکیت گینگ گرفتار، سافٹ ویئر ایکسپرٹس بھی گینگ میں شامل
Abdul Rehman
کراچی: صوبہ سندھ کے دارالحکومت کراچی میں 2 موبائل سافٹ ویئر ایکسپرٹس سمیت 6 رکنی ڈکیت گینگ کو گرفتار کرلیا گیا، ملزمان چھینا جھپٹی کی 100 سے زائد وارداتوں میں ملوث ہیں۔
تفصیلات کے مطابق کراچی کے علاقے نارتھ ناظم آباد میں خفیہ اطلاع پر پولیس نے کارروائی کی، ایس ایس پی کا کہنا ہے کہ 2 موبائل سافٹ ویئر ایکسپرٹس سمیت 6 رکنی ڈکیت گینگ کو گرفتار کرلیا گیا۔
ایس ایس پی سینٹرل ملک مرتضیٰ کا کہنا ہے کہ ملزمان سے ڈیوائسز، 30 قیمتی موبائل فون، 2 موٹر سائیکلیں، 4 پستول، نقدی اور لیپ ٹاپ برآمد ہوئے ہیں۔
ملک مرتضیٰ کے مطابق ملزمان چھینا جھپٹی کی 100 سے زائد وارداتوں میں ملوث ہیں، گرفتار ملزمان میں سافٹ ویئر ایکسپرٹ راحیل، عابد، جمال شاہ بلوچ، موسیٰ، شیر زمان ملنگی اور شاہ زمان کاکی شامل ہیں۔
ایس ایس پی کا کہنا ہے کہ ملزمان بلاک موبائل کھولنے کے 1 ہزار روپے دیتے تھے جبکہ آئی ایم ای آئی تبدیلی کے 5 ہزار روپے دیے جاتے تھے۔
مختلف دکاندار مذکورہ ملزمان سے 15 سے 20 ہزار میں موبائل خریدتے تھے۔
