Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
کراچی میں کورونا کے مثبت کیسز کی شرح 9.23 فیصد تک پہنچ گئی
Abdul Rehman
کراچی : شہر قائد میں کورونا کے مثبت کیسز کی شرح 9.23 فیصد تک پہنچ گئی ، ماہرین صحت نے ایک مرتبہ پھر ایس او پیز پر عمل درآمد کا مشورہ دے دیا ہے۔
تفصیلات کے مطابق کراچی میں کوویڈ مثبت شرح میں اضافے کا سلسلہ جاری ہے ، محکمہ صحت سندھ کا کہنا ہے کہ کیسز کی شرح 8.91فیصدسے بڑھ کر 9.23 فیصدہوگئی ہے، 1085مثبت کوروناکیسز سامنےآئے جبکہ 636مریض انتہائی نگہداشت میں زیر علاج ہیں۔
صوبہ سندھ میں او می کرون کیسز میں اضافے کا سلسلہ بڑھنے کے پیش نظر محکمہ صحت نے سخت اقدامات کا عندیہ دیا ہے، شہر میں تجارتی اور دیگر سرگرمیاں محدود بھی کی جاسکتی ہیں جبکہ تعلیمی سرگرمیوں کے حوالے سے فیصلہ آئندہ دو روز میں متوقع ہے۔.
اومی کرون کیسز کی شرح میں اضافے کو کنٹرول کرنے کیلئے ماہرین صحت نے ایک مرتبہ پھر ایس او پیز پر عمل درآمد کرنے اور سماجی فاصلوں کے حصول پرعمل کرنے کا مشورہ دیا ہے۔
علاوہ ازیں کراچی میں اومی کرون مقامی سطح پر پھیلنے کے بعد بوسٹر ویکسین لگانے کا سلسلہ جاری ہے تاہم کراچی میں سردی کی شدت کے باعث مختلف مراکز میں ویکسین کی بوسٹر ڈوز اور معمول کی ویکسین لگانے والوں کی شرح میں کمی آئی ہے۔
