Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
کراچی ایکسپو سینٹر میں ویکسین کا عمل معطل، طلبہ و طالبات کو مشکلات کا سامنا
Abdul Rehman
کراچی : کراچی ایکسپو سینٹر میں ویکسین کا عمل معطل ہونے کے باعث طلبہ و طالبات کو مشکلات کا سامنا ہے کیونکہ تعلیمی اداروں میں ویکسینیشن کے بغیر داخلے پر پابندی عائد ہے۔
تفصیلات کے مطابق کراچی کے سب سے بڑے ویکسین سینٹر میں ویکسین کا عمل معطل ہونے سے والدین اور طلبہ و طالبات کو مشکلات کا سامنا ہے کیونکہ
تعلیمی اداروں میں ویکسینیشن کے بغیر طلبہ و طالبات کے داخلے پر پابندی عائد کردی ہے۔
کراچی ایکسپو سینٹر میں صوبہ سندھ کے سب سے بڑے ویکسی نیشن سینٹر میں تنخواہوں کی عدم ادائیگی کیخلاف آئی ٹی ملازمین اور ویکسی نیٹرز کا آج چوتھے روز بھی ویکسی نیشن مہم کا بائیکاٹ برقرار ہے۔
گذشتہ رات بھی ڈائریکٹر ہیلتھ کراچی ڈاکٹر اکرم سلطان اور ویکسینٹرز میں مذاکرات ناکام ہو گئے تھے، میگا سینٹر غیر فعال ہونے کا سندھ حکومت نے تاحال نوٹس نہیں لیا، جس کے باعث ویکیسن کے حصول میں شہریوں اور طالب علموں کو مشکلات کا سامنا ہے۔
محکمہ صحت بقایاجات کی ادائیگی کے لیے تیار نہیں اور محکمہ صحت کی جانب سے تاحال تخواہیں ادا نہ ہوسکیں۔
دوسری جانب سندھ میں پرائیویٹ اسکولوں کی انتظامیہ کو ہدایت کی گئی ہے کہ وہ 12 سے 18 سال کی عمر کے تمام طلباء کی لازمی کوویڈ ویکسینیشن کو یقینی بنائیں۔
اس حوالے سے سندھ اسکول ایجوکیشن ڈیپارٹمنٹ کے ڈائریکٹوریٹ آف پرائیویٹ انسٹی ٹیوشنز کی جانب سے اسکول انتظامیہ کو سرکلر جاری کیا تھا۔
جس میں کہا گیا تھا کہ نیشنل کمانڈ اینڈ آپریشن سینٹر (NCOC) کے فیصلے کے بعد 12 سے 18 سال کی عمر کے طلباء اور عملے (تعلیمی یا غیر تدریسی) کی کوویڈ ویکسینیشن لازمی ہے۔
