کراچی ایکسپریس خوفناک حادثے سے بال بال بچ گئی

0


نوابشاہ : کراچی سے لاہور جانے والی کراچی ایکسپریس حادثے سے بال بال بچ گئی ، نوابشاہ میں بوگی سے بریک کا ٹکڑا گرکر پٹری میں پھنس گیا۔

تفصیلات کے مطابق ریلوے پولیس کا کہنا ہے کہ نواب شاہ کے قریب رات گئے کراچی سےلاہورجانے والی کراچی ایکسپریس کی بوگی سے بریک کا ٹکڑا گر کر پٹڑی میں پھنس گیا تاہم عملہ پٹڑی میں پھنسابریک کا ٹکڑا نکالنے میں مصروف ہیں۔

دوسری جانب علاقہ مکینوں نے شاہ حسین ایکسپریس کو کچھ دور ہی روک دیا ، شاہ حسین ایکسپریس کواسی ٹریک سےگزرنا تھا ، علاقہ مکینوں کی کوشش سےشاہ حسین ایکسپریس ممکنہ حادثے سے بچ گئی

ریلوےپولیس کے مطابق ٹریک کلیئر کرکے شاہ حسین ایکسپریس کو روانہ کر دیا جائے گا۔

گذشتہ روز لاہور جانے والی کراچی ایکسپریس کو حادثہ پیش آیا تھا ، جہاں روہڑی کے قریب ٹرین کی دس بوگیاں پٹڑی سے اتر گئیں تھیں۔

حادثے میں ایک خاتون جاں بحق اورتیس سے چالیس مسافرزخمی ہوئے تھے ۔ پاک فوج، رینجرز، پولیس اور ریسکیو ٹیموں نے امدادی کاموں میں حصہ لیا جبکہ تین رکنی ٹیم نے حادثے کی تحقیقات کا آغاز کردیا ہے۔

وزیر ریلوے نے حادثے کی ابتدائی رپورٹ 24گھنٹے میں پیش کرنے کا حکم دیتے ہوئے کہاتھا کہ حادثے میں ملوث افرادکے خلاف قانونی کاروائی کی جائے گی۔

LEAVE A REPLY