Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 چاند کے قریب سے راکٹ کے گزرنے کی تصاویر منظرعام پر آگئیں
واشنگٹن: خلائی ادارے اسپیس ایکس کے راکٹ کے چاند کے انتہائی قریب سے گزرنے کے دلچسپ مناظر سامنے آگئے۔
غیرملکی خبررساں ادارے کی رپورٹ کے مطابق سیاہ رات میں چاند کے ساتھ گزرتے راکٹ نے الگ ہی منظر پیش کیے جس کی تصاویر منظرعام پر آگئیں۔
گزشتہ روز اسپیس ایکس نے مزید 60 انٹرنیٹ سیٹلائٹس فالکن نائن راکٹ کے ذریعے خلا میں روانہ کیے تھے، اسپیس ایکس کے مطابق اسٹار لنک ان مقامات پر تیز رفتار براڈ بینڈ انٹرنیٹ فراہم کرے گا جہاں رسائی ناقابل اعتماد، انتہائی مہنگی یا مکمل طور پر دستیاب نہیں ہے۔
واضح رہے کہ گزشتہ دنوں خلائی مشن اسپیس ایکس کی جانب سے خلا میں بھیجا گیا راکٹ تجرباتی پرواز کے دوران گر کر تباہ ہوگیا تھا۔
امریکی ریاست ٹیکساس میں لانچ پیڈ سے اڑنے کے ساتھ افگی تک پہنچنے کے بعد دیوہیکل خلائی جہاز گرنا شروع ہوا اور زمین پر واپس آنے والے کنٹرول گلائڈ پر آگرا، زمین پر گرنے سے پہلے خلائی جہاز میں آگ بھڑک اٹھی تاہم راکٹ پر کوئی شخص سوار نہیں تھا۔
ڈیٹا کے حصول کو بڑی کامیابی قرار دیتے ہوئے اسپیس کمپنی کا کہنا تھا کہ اسٹار شپ راکٹ چاند اور مریخ پر انسانی بستیاں بسانے کے لیے مستقبل میں کام آئے گا۔
یاد رہے کہ اسٹار شپ راکٹ کی ٹیسٹ فلائٹ کے متعلق تخمینہ تھا کہ وہ 41 ہزار فٹ کی بلندی تک جائے گا تاہم یہ تجربہ کامیاب نہیں ہوسکا۔
