پنجاب حکومت کا مری میں ایمرجنسی کے نفاذ کا اعلان

لاہور : پنجاب حکومت نے مری میں ایمرجنسی کےنفاذکااعلان کردیا اور ریسٹ ہاؤسز اور سرکاری اداروں کو سیاحوں کیلئے کھولنے کی ہدایت کردی۔

تفصیلات کے مطابق وزیراعلیٰ پنجاب سردارعثمان بزدار نے مری میں ایمرجنسی کے نفاذ کا اعلان کرتے ہوئے اپناہیلی کاپٹربھی ریسکیوسرگرمیوں کےلئے دے دیا۔

عثمان بزدار کا کہنا ہے کہ تمام اداروں میں ایمرجنسی نافذ کرتے ہوئے اسپتالوں میں ہنگامی حالت کانفاذکیاگیا ہے۔

انھوں نے کہا کہ پھنسے ہوئے سیاحوں کو نکالنا پہلی ترجیح ہے، مری میں ریسٹ ہاؤسزاورسرکاری اداروں کوسیاحوں کیلئےکھول دیاگیا ہے اور ڈی جی ریسکیو کو مری جا کر ریسکیو آپریشن لیڈکرنےکی ہدایت کی گئی۔

وزیراعلیٰ پنجاب کا کہنا تھا کہ سیاحوں کونکالنے کیلئے ریسکیو آپریشن کومزیدتیزکردیاگیاہے اور سیاحوں کوکھانےپینےکی اشیااورضروری امدادی سامان فراہم کیا جارہا ہے۔

عثمان بزدار نے مزید کہا جاں بحق افرادکےلواحقین کےغم میں برابرکےشریک ہیں جبکہ امدادی سرگرمیوں کیلئے قانون نافذ کرنے والے اداروں کو بھی طلب کرلیا گیا ہے۔