پاکستان آئی سی سی ٹیسٹ رینکنگ میں 5ویں پوزیشن پرآگیا

پاکستان جنوبی افریقہ کیخلاف ٹیسٹ سیریز میں 0-2 سے کامیابی حاصل کرنے کے بعد آئی سی سی ٹیسٹ رینکنگ میں 5ویں پوزیشن پر پہنچ گیا۔

تفصیلات کے مطابق پاکستان 8 ریٹنگ پوائنٹس حاصل کرنے کے بعد ٹاپ 5 میں شامل ہوگئی ہے۔ قومی ٹیم نے 82 پوائنٹس سے 90 پوائنٹس پر چھلانگ لگائی۔

پاکستان (90) پوائنٹس کے ساتھ پانچویں، جنوبی افریقہ ایک پوائنٹ کی کمی کیساتھ چھٹے نمبر پر براجمان ہیں۔ نیوزی لینڈ آئی سی سی ٹیسٹ رینکنگ میں پہلی پوزیشن پر موجود ہے جس کے بعد بھارت، آسٹریلیا اور انگلینڈ کا نمبر ہے۔

Pakistan gain eight rating points to jump to No.5 in the @MRFWorldwide ICC Test Team Rankings after the #PAKvSA series 👏 pic.twitter.com/l05HwixTd0

— ICC (@ICC) February 8, 2021

پاکستان نے راولپنڈی میں پانچویں اور آخری دن دوسرے ٹیسٹ میچ میں 95 رنز سے فتح حاصل کرکے 2003ء کے بعد جنوبی افریقہ کے خلاف اپنی پہلی ٹیسٹ سیریز 0-2 سے جیت لی۔

جنوبی افریقہ کو جیتنے کیلیے 370 رنز کا ہدف ملا تھا جس کے جواب میں مہمان ٹیم 274 رنز پر آؤٹ ہوگئی جبکہ فاسٹ بولر حسن علی نے دوسری اننگز میں 60 رنز کے عوض 5 اور میچ میں مجموعی طور پر 114 رنز دیکر 10 وکٹیں حاصل کیں۔

یاد رہے کہ پاکستان نے جنوبی افریقہ کے خلاف کراچی میں پہلا ٹیسٹ 7وکٹوں سے جیتا تھا۔