Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
ٹریفک حادثے میں 4 افراد کی موت: کشمالہ طارق کے بیٹے کو ضمانت مل گئی
Abdul Rehman
اسلام آباد : ہائی کورٹ نے ٹریفک حادثہ کیس میں کشمالہ طارق کے بیٹے اذلان خان کی عبوری ضمانت منظور کرتے ہوئے پولیس کو گرفتاری سے روک دیا۔
تفصیلات کے مطابق اسلام آباد ہائی کورٹ میں کشمالہ طارق کے بیٹے اذلان خان کی عبوری ضمانت کی درخواست پر سماعت ہوئی ،جسٹس عامر فاروق نے کیس کی سماعت کی۔
عدالت نے کہا پندرہ دن میں ضمانتی مچلکے جمع نہ ہونے پر سیشن کورٹ سے ملنے والی ضمانت منسوخ ہوچکی ہے، ضمانت ہی منسوخ ہوگئی تو ایک ملین کے مچلکوں کا حکم غیر موثر ہوگیا۔
جس پر وکیل درخواست گزار کا کہنا تھا کہ جاں بحق ہونے والے شہریوں کے ورثاء سے معافی نامہ ہوچکا ہے، زخمی ہونے والے مدعی نے بھی معاف کردیا ہے، استدعا ہے عدالت ضمانت قبل از گرفتاری منظور کرے۔
اسلام آباد ہائی کورٹ نے کشمالہ طارق کے بیٹے اذلان خان کی عبوری ضمانت منظور کرتے ہوئے 8 اپریل تک پولیس کو گرفتاری سے روک دیا۔
عدالت نے دو لاکھ روپے کے ضمانتی مچلکے جمع کرانے کا حکم دیتے ہوئے فریقین سے نوٹس جاری کرکے جواب طلب کرلیا۔
یاد رہے سری نگر ہائی وے پر ٹریفک حادثے کے نتیجے میں 4 شہری جاں بحق ہوگئے تھے، عینی شاہدین کا کہنا تھا کہ تیز رفتارگاڑی کشمالہ طارق کا بیٹے چلا رہا تھا۔
بعد ازاں تیز رفتارگاڑی کی ٹکر سے 4 افراد کی موت کا مقدمہ درج کرلیا گیا تھا ، ایف آئی آر میں کشمالہ طارق کے بیٹے اذلان کو بھی نامزد کیا گیا تھا۔
