مولانا فضل الرحمان کے مبینہ فرنٹ مین کی درخواست ضمانت پر نیب سے جواب
Abdul Rehman
اسلام آباد : سپریم کورٹ میں مولانا فضل الرحمان کےمبینہ فرنٹ مین موسی ٰخان کی درخواست ضمانت پرنیب سے جواب مانگ لیا۔
تفصیلات کے مطابق سپریم کورٹ میں مولانا فضل الرحمان کےمبینہ فرنٹ مین موسی ٰخان کی درخواست ضمانت پرسماعت ہوئی ، وکیل کامران مرتضی نے بتایا کہ موسیٰ خان پربیٹےاور بھتیجے کی بھرتیوں کاالزام ہے، موسیٰ خان پرکرپشن اور آمدن سےزائد اثاثوں کاالزام بھی لگا۔
جسٹس مشیرعالم نے استفسار کیا کیا موسیٰ خان نےبیٹےکوجعلی ڈگری پربھرتی کیا؟ جس پر وکیل نے کہا بیٹےکی بھرتی کا کیس سپریم کورٹ میں زیرالتواہے، جس زمین کاالزام لگایا گیاوہ 1988 سےوالدہ کےنام پرہے۔
کامران مرتضی کا کہنا تھا کہ موسی خان پرجن کےساتھ کرپشن کاالزام لگایا گیاانہیں گرفتار نہیں کیا گیا، 3کروڑ کی بینک ٹرانزیکشن کاالزام لگایا جو پوری زندگی کی ٹرانزیکشن ہیں۔
سپریم کورٹ نےموسیٰ خان کی درخواست ضمانت پرنیب سےجواب مانگتے ہوئے مزید سماعت غیر معینہ مدت تک ملتوی کردی۔
