لاہور ایکسپو سینٹر میں کورونا ویکسین ختم ہونے پر شہری پھٹ پڑے ، دروازے توڑ کر اندر داخل

0


لاہور : ایکسپو سینٹرمیں کورونا ویکسین ختم ہونے پر شہری دروازے توڑ کر اندر داخل ہوگئے اور شیشے توڑ ڈالے، انتظامیہ کا کہنا ہے کہ ویکسین ختم ہوچکی ہے شہری واپس جانے کوتیارنہیں۔

تفصیلات کے مطابق لاہور ایکسپو سینٹرمیں کورونا ویکسین کی کمی پر شہری پھٹ پڑے اور ایکسپوسینٹر کے دروازے توڑ کر اندر داخل ہوگئے، اس دوران شہریوں نے دروازوں کے شیشے بھی توڑ ڈالے۔

شہریوں کا کہنا تھا کہ صبح سےکھڑےہیں لیکن ویکسین نہیں لگائی جارہی جبکہ انتظامیہ نے عملے کو کاؤنٹرزبندکرنےکاحکم دے دیا تاہم انتظامیہ کا کہنا ہے کہ ویکسین ختم ہوچکی ہے شہری واپس جانے کوتیارنہیں۔

دوسری جانب لاہور کے ایکسپوسینٹر میں آسٹرازینیکاکا اسٹاک بھی ختم ہوگیا ، ریسکیوعملے نے ویکسین ختم ہونے کا اعلان کیا لیکن لوگ رکاوٹیں توڑ کر ہال
میں گھس گئے ، جس کے بعد شہریوں کوایکسپوسینٹرسے واپس بھجوایا جانے لگا۔

گذشتہ روز محکمہ صحت نے کورونا ویکسین کی قلت کے باعث دو روز کیلئے ویکسین کے عمل روکنے کا فیصلہ کرتے ہوئے کہا تھا کہ پنجاب میں ایک دن اسٹاک موجود ہے، ویکیسن کی دو لاکھ ڈوزز اتوار کی شام تک پہنچ جائیں گی۔

LEAVE A REPLY

Please enter your comment!
Please enter your name here