لاہور:‌خاتون کے ساتھ زیادتی، دو ملزمان گرفتار، 2 کی تلاش جاری

0


لاہورـ پنجاب کے علاقے گوال منڈی میں خاتون کے ساتھ زیادتی کرنے والے دو ملزمان کو پولیس نے گرفتار کرلیا، جبکہ دو کی تلاش جاری ہے۔

اے آر وائی نیوز کے مطابق لاہور کے علاقے گوال منڈی میں ایک خاتون کے ساتھ زیادتی کا واقعہ پیش آیا، جس کی میڈیکل رپورٹ میں بھی تصدیق ہوئی۔

خاتون نے متعلقہ تھانے جاکر اپنے ساتھ پیش آنے والے افسوسناک واقعے کی تفصیلات بتائیں اور مقدمہ اندراج کے لیے درخواست دی۔

متاثرہ خاتون نے بتایا کہ انہیں گڈو اور عبداللہ نامی ملزمان کے ساتھ مل کر حسن بٹ اور رریحان نامی ملزمان زیادتی کا نشانہ بنایا۔

متاثرہ خاتون کی شکایت پر سی سی پی او لاہور نے گوال منڈی تھانے میں مقدمہ درج کر کے ملزمان کو گرفتار کرنے کے احکامات جاری کیے۔

سی سی پی او لاہور غلام محمود ڈوگر نے بتایا کہ زیادتی میں ملوث دو ملزمان کو گرفتار کرلیا گیا جبکہ دو کی تلاش جاری ہے۔ انہوں نے بتایا کہ ملزمان کو قانون کے مطابق قرار واقعی سزا دی جائے گی۔

غلام محمود ڈوگر نے متاثرہ خاتون کو انصاف کی فراہمی اور تمام ملزمان کو کیفر کردار تک پہنچانے کی یقین دہانی بھی کرائی۔

LEAVE A REPLY