Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
کراچی: شہر قائد میں کے سی آر کی لائن پر عوام کو خود پھاٹک پر ٹریفک کنٹرول کرنا پڑ گیا۔
تفصیلات کے مطابق کراچی سرکلر ریلوے تاحال مکمل طور پر بحال نہیں ہو سکی ہے، سٹی سے اورنگی تک پھاٹک موجود ہے لیکن ٹرین کی آمد کے وقت اسے بند کرنے والا کوئی نہیں۔
ریلوے کی جانب سے نامکمل انتظامات کے باعث عوام خود ٹرین کی آمد کے وقت پھاٹک پر ٹریفک کنٹرول کرنے لگے ہیں۔
سائٹ ایریا میں کھلے پھاٹک کے دوران کے سی آر ٹرین کی آمد نے اس وقت لوگوں میں افراتفری مچا دی جب پھاٹک پر شدید ٹریفک جام تھا اور اسی دوران کے سی آر ٹرین سامنے سے آنے لگی۔
ادھر ترجمان ریلوے نے ایک بیان میں کہا ہے کہ سٹی سے اورنگی 14 کلو میٹر کے سی آر ٹریک کے تمام پھاٹکوں پرگیٹ لگے ہیں، اور ان پر گیٹ مین بھی تعینات ہیں۔
ترجمان نے کہا کہ آج گیٹ کے نزدیک ٹرک کا ایکسل ٹوٹنے سے گیٹ بند نہیں ہو سکا تھا، دونوں گیٹ مینز نے ٹریفک کو روکا اور انجن کو پاس کروایا۔
ترجمان نے مزید بتایا کہ گیٹ مینز ٹی ایل اے ملازمین ہیں، پھاٹک پر پیش آنے والے واقعے کے سلسلےمیں ان کے خلاف قوانین کے مطابق کارروائی ہوگی، واقعے سے کوئی جانی یا مالی نقصان نہیں ہوا۔
