سندھ کو اس کے حصے کی سوئی گیس فراہم کی جائے، تاجر برادری

کراچی : بزنس مین گروپ کے سربراہ زبیر موتی والا نے کہا ہے کہ سندھ کے مختص گیس کوٹے میں سے18 کروڑ ملین معکب کیوبک فیٹ گیس پنجاب کو دی جا رہی ہے انہوں مطالبہ کیا کہ صوبے کو اس کے حصے کی گیس فراہم کی جائے تاکہ صنعتوں کا پہیہ چل سکے۔

سائٹ انڈسٹری میں پریس کانفرنس سے خطاب کرتے ہوئے زبیر موتی والا نے کہا کہ سائٹ میں بیشتر صنعتیں گیس کی عدم فراہمی کے باعث بند ہوچکی ہیں۔

انہوں نے بتایا کہ ہماری 18 کروڑ ملین معکب کیوبک فیٹ گیس پنجاب کو دی جارہی ھے وہ ہمیں واپس دلوائی جائے تاکہ صنتعوں میں بے روزگاری کے خاتمے کے ساتھ برآمدی آرڈرز پورے کئے جاسکیں۔

سائٹ ایسوسی ایشن کے صدر عبدالرشید کا کہنا تھا کہ گیس کی مکمل فراہمی سے برآمدات 40 فیصد تک بڑھا سکتے ہیں، انہوں نے کہا کہ ھم اپنی صنعتیں ھفتے میں ایک دن بند کرسکتے ہیں جس کیلئے ہمیں 6 دن مکمل گیس فراہم کی جائے۔

سائٹ کے صنعت کاروں نے وزیراعلیٰ سندھ سے اپیل کی کہ سڑکوں کی تعمیر کے لئے 3 ارب روپے فراہم کیے جائیں جن سے 26 سڑکیں تعمیر ہوسکتی ہیں۔