Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114 سعودی عرب: رہائشی معاہدوں میں اضافہ
ریاض: سعودی عرب میں ریزیڈینشل مارگیج(رہائشی معاہدوں) میں ایک تہائی اضافہ ریکارڈ کیا گیا ہے۔
غیرملکی خبررساں ادارے کی رپورٹ کے مطابق سعودی سینٹرل بینک(ساما) نے مارگیج کے حوالے سے تازہ ترین اعدادوشمار جاری کردیے جس میں کہا گیا ہے کہ پچھلے سال کے مقابلے میں ایک تہائی اضافہ ہوا۔
یہ اعدادوشمار رواں سال فروری کے ہیں۔ سعودی عرب میں فروری 2021 کے دوران تقریباً 26 ہزار 800 نئے رہائشی معاہدے ہوئے جو فروری 2020 کے مقابلے میں 28 فیصد زیادہ ہیں۔ جس کے بعد ملکی مارگیج کا حجم چودہ بلین سعودی ریال ( 3.7 بلین ڈالر) سے زیادہ کی مالیت تک پہنچ گیا ہے۔
سعودی سینٹرل بینک کے مطابق مارگیج معاہدوں میں سے97 فیصد کا بندوبست بینکوں نے کیا، اس دوران فنانسنگ کمپنیوں کا بھی حصہ رہا، ریزیڈینشل ولاز نے نئے معاہدوں کا تقریباً 80 فیصد حصہ لیا۔
سعودی عرب میں فروری 2021 کے دوران ریزیڈینشل مارگیج میں اپارٹمنٹس 16 فیصد کے ساتھ دوسرے نمبر پر رہے جبکہ زمین کی خریداری 4 فیصد تھی۔ عالمی وبا کے اثرات بھی مارکیٹ پر ریکارڈ کیے گئے۔
خیال رہے کہ لوگ ملازمت سے محرومی کے خدشے کے پیش نظر بڑی خریداری کرنے سے اجتناب کر رہے ہیں۔
