Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
ریاض: سعودی محکمہ پاسپورٹ کا کہنا ہے کہ غیرملکی ملازم کا اقامہ ایکسپائر ہونے کی صورت میں بھی آجر اور اجیر کے درمیان کفالت کی تبدیلی ممکن ہے۔
عرب میڈیا کی رپورٹ کے مطابق مملکت کے محکمہ پاسپورٹ وامیگریشن(جوازات) سے ایک شہری نے استفسار کیا کہ اقامہ ایکسپائر ہے کفالت کی تبدیلی کرنا مقصود ہے، کیا ایسی صورت ممکن ہے؟
سعودی محکمہ پاسپورٹ نے جواب دیا کہ کفالت کی تبدیلی ایکسپائر اقامہ کی موجودگی میں کی جاسکتی ہے۔
یہ بھی بتایا گیا کہ کفالت تبدیل کرنے کے لیے مقررہ ضوابط کے مطابق کارروائی کرتے ہوئے فیس ادا کرنے کے بعد لیبر آفس سے باقی امور مکمل کیے جائیں گے۔
خیال رہے کہ کفالت تبدیل کرنے کے لیے کارآمد اقامہ ہونا ضروری نہیں، کفالت تبدیل کرنے کے دوران اقامہ کی تجدید بھی کرائی جاسکتی ہے جس کےلیے کوئی امر مانع نہیں ہوتا۔
واضح رہے کہ کفالت کی تبدیلی کے لیے مقررہ فیس ادا کرنا ضروری ہے جس کے بعد محنت کے نئے قانون کے تحت آجر و اجیر کے مابین ڈیجیٹل معاہدہ کیا جاتا ہے۔
اس طرح کفالت کی تبدیلی ممکن ہے، اس مرحلے کے بعد فیس کی ادائیگی کے ساتھ اقامے کی تجدید کی جاسکتی ہے۔
