Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
لاہور: چیئرمین پاکستان کرکٹ بورڈ ( پی سی بی ) رمیز راجہ نے قوم کو سال نو کی مبارک باد دیتے ہوئے نئی ترجیحات بیان کردیں۔
تفصیلات کے مطابق اپنے بیان میں رمیز راجہ نے پوری قوم کو سال 2022 کی مبارک باد دیتے ہوئے کہا کہ دعا ہے 2022 قومی کرکٹ ٹیم کےلیےنئی خوشیاں لائیں، انہوں نے کہا کہ نیا سال پاکستان کرکٹ فینز کے لیے بمپر سال ہے، اس سال بڑی ٹیمیں پاکستان آئیں گی، ہم پر امید ہیں کہ آسٹریلیا اور انگلینڈکی ٹیمیں پاکستان کا دورہ کرینگی۔
رمیز راجہ نے کہا کہ ملک میں کرکٹ کا بہترین انفرا اسٹرکچر بنانا سال 2022 میں میری ترجیح ہوگی، ایج گروپ کرکٹرز کو وظیفہ اور مسابقتی کرکٹ دینے کا فیصلہ کیا ہے، ساتھ ہی اسلام آباد میں اسٹیڈیم ،ہائی پر فارمنس سینٹر میں نئےکمرے بنانے پر توجہ مرکوزہے۔
چیئرمین پی سی بی نے بتایا کہ کپتان کو با اختیار کرنے سے ٹیم کی کارکردگی میں تسلسل آیا، کوچز کی تقرری پر بابر اعظم، محمد رضوان اور ثقلین مشتاق سے بات ہوئی ہے، عام تاثر یہی ہے کہ قومی ٹیم کے ساتھ غیر ملکی کوچز کی تقرری ہونی چاہیے۔
شائقین کو قومی کرکٹ کا اثاثہ قرار دیتے ہوئے رمیز راجہ نے کہا کہ انہیں ہر ممکن سہولیات دیں گے، شائقین کی دلچسپی کو مد نظر رکھتے ہوئے انڈر 19 اور ویمنز پی ایس ایل کے لیےکام کررہے ہیں اور پاکستان میں ٹی 10 کرکٹ ٹورنامنٹ کروانے پر بھی غور کیا جاسکتاہے۔
چیئرمین پی سی بی کا مزید کہنا تھا کہ پی ایس ایل براڈ کاسٹنگ ، لائیو اسٹریمنگ حقوق کی بولی میں قابل ذکر اضافہ دیکھا گیا ہے۔
