روسی صدر کے نمائندہ برائے افغانستان کی آرمی چیف سے ملاقات

راولپنڈی: روسی صدر کے نمائندہ برائے افغانستان نے سپہ سالار پاک فوج جنرل قمر جاوید باجوہ سے ملاقات کی ہے۔

تفصیلات کے مطابق پاک فوج کے شعبہ تعلقات عامہ آئی ایس پی آر کی جانب سے جاری بیان کے مطابق روسی صدر کے نمائندہ برائے افغانستان نے دورہ پاکستان کے موقع پر جی ایچ کیوکا دورہ کیا اور آرمی چیف جنرل قمر جاوید باجوہ سےتفصیلی ملاقات کی۔

آئی ایس پی آر کے مطابق ملاقات میں باہمی دلچسپی ،علاقائی سیکیورٹی صورتحال پر سمیت افغانستان میں امن عمل میں پیش رفت بھی زیر غور آئیں۔

اس موقع پر آرمی چیف کا کہنا تھا کہ دونوں ممالک میں امن خطے کے بہترین مفاد میں ہے، ملاقات میں پاکستان اور روس نے تعلقات مستقبل میں مزید فروغ دینے کےعزم کا اظہار کیا، ملاقات میں روسی نمائندے نے افغان امن عمل میں پاکستان کے مثبت کردار کو سراہا۔

واضح رہے کہ گذشتہ روز آرمی چیف جنرل قمر جاویدباجوہ سےچینی سفیر نے ملاقات کی تھی، جس میں باہمی دلچسپی اور ‏علاقائی سیکیورٹی صورتحال پر تبادلہ خیال کیا گیا تھا۔

پاک فوج کے شعبہ تعلقات عامہ آئی ایس پی آر کے مطابق آرمی چیف نے کورونا ویکسین کی ‏فراہمی کیلئے چینی تعاون پر اظہار تشکر کیا جب کہ عالمی فورمز سمیت سیکیورٹی شعبےمیں ‏چینی تعاون وحمایت کو سراہا۔