Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
جہلم میں پاکستان آرمی رائفل ایسوسی ایشن مقابلوں کا انعقاد
Abdul Rehman
راولپنڈی: پاکستان آرمی رائفل ایسوسی ایشن کے41ویں مرکزی مقابلےجہلم میں جاری ہے۔
آئی ایس پی آر کی جانب سے جاری بیان کے مطابق پاکستان آرمی رائفل ایسوسی ایشن کے41ویں مرکزی مقابلےجہلم میں جاری ہے، مقابلوں میں آرمی،نیوی، ایئرفورس، سول آرمڈ فورسز،رینجرز اور اےایس ایف کے2500 شرکا شامل ہیں، اس کے علاوہ عام شہری بھی اس میگاشوٹنگ مقابلےمیں حصہ لےرہےہیں۔
آئی ایس پی آر کے مطابق مقابلے مختلف رینجز اور ہتھیاروں کی اقسام پر مشتمل متعدد ایونٹس پر مشتمل ہیں، پاکستان آرمی اس مقابلےکی دفاعی چیمپئن ہے۔
آئی ایس پی آر کے مطابق انٹرا آرمی ایونٹس میں1024نشانہ بازوں پرمشتمل 18ٹیموں نےحصہ لیا، ملتان کور پہلےاور منگلاکور دوسرےنمبرپر رہی، سول آرمڈفورسز کیٹگری میں ٹرافی پنجاب رینجرز نے حاصل کی جبکہ گلگت بلتستان اسکاؤٹس رنر اپ رہے۔
آئی ایس پی آر کی جانب سے جاری بیان کے مطابق انٹرسروسز میچز میں پاکستان آرمی نے تینوں مقابلے جیتے، یہ مقابلے30نومبرتک جاری رہیں گے،اختتامی تقریب2دسمبر2021 کوہوگی۔
