تحریک انصاف آج سینیٹ امیدواروں کے ناموں کااعلان کریگی

0


حکمراں جماعت پاکستان تحریک انصاف کی جانب سے آج سینیٹ انتخابات کیلئے امیدواروں کے ناموں کا اعلان کیا جائے گا۔

وزیراعظم کی سربراہی میں پی ٹی آئی کے پارلیمانی بورڈ کا اجلاس آج دن 11 بجے شروع ہوگا، جس میں مجوزہ فہرست کا جائزہ لینے کے بعد وزیراعظم اس کی منظوری دیں گے۔

پی ٹی آئی کی جانب سے ٹکٹ کے اجرا کیلئے خواہش مندوں سے درخواستیں نہیں مانگی گئیں بلکہ پارٹی چیئرمین کی ہدایت پر مخصوص لوگوں کی فہرست تیار کر کے آج پارلیمانی بورڈ کے اجلاس میں پیش کی جائے گی۔

قبل ازیں ہونے والے پارٹی کے پارليمانی بورڈ کے اجلاس ميں اراکین پنجاب اور خيبرپختونخوا کیلئے اميدواروں کے نام فائنل نہ کرسکے۔

ہر نشست پر 3 سے 4 ناموں کی فہرست پارليمانی بورڈ کے سامنے پيش کی گئی تھی۔ پی ٹی آئی کے 13 رکنی پارلیمانی بورڈ کے اجلاس میں سفارشات کا جائزہ لیا گیا تھا۔

LEAVE A REPLY