برطانوی چیف آف ڈیفنس اسٹاف کی آرمی چیف سے ملاقات

0


راولپنڈی: برطانوی چیف آف ڈیفنس اسٹاف جنرل نکلس پیٹرک کارٹر نے آرمی چیف جنرل قمر جاوید باجوہ سے ملاقات کی ہے، ملاقات میں جنرل نکلس نے باہمی دفاعی،سیکیورٹی تعاون کے فروغ دینےپر زور دیا ہے۔

آئی ایس پی آر کی جانب سے جاری بیان کے مطابق برطانوی چیف آف ڈیفنس اسٹاف جنرل نکلس پیٹرک کارٹر نے جی ایچ کیو کا دورہ کیا اور آرمی چیف جنرل قمرجاوید باجوہ سے ملاقات کی۔

آئی ایس پی آر کے مطابق ملاقات میں باہمی دلچسپی، افغان مفاہمتی عمل پر تفصیلی تبادلہ خیال کیا اس کے علاوہ باہمی سیکیورٹی، دفاعی تعاون سمیت جیواسٹریٹجک ماحول پر بھی گفتگو ہوئی۔

آئی ایس پی آر کی جانب سے جاری بیان کے مطابق جنرل نکلس نے آرمی چیف سے ملاقات میں باہمی دفاعی، سیکیورٹی تعاون کو فروغ دینے پر زور دیا اور خطےمیں امن کیلئے پاکستان کی کوششوں کوسراہا۔

واضح رہے کہ گذشتہ روز آرمی چیف جنرل قمر جاوید باجوہ سے امریکی نمائندہ خصوصی برائے افغانستان زلمے خلیل زاد نے ملاقات کی تھی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف اور جنرل قمر جاوید کی ملاقات میں افغانستان میں امریکی مشن کے سربراہ جنرل آسٹن اسکاٹ ملر بھی موجود تھے، ملاقات میں باہمی دلچسپی، علاقائی سیکیورٹی اور افغان مفاہمتی عمل پر بات چیت کی گئی۔

LEAVE A REPLY

Please enter your comment!
Please enter your name here