Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
این اے 75 ڈسکہ میں بدترین دھاندلی ہوئی ہے، شاہد خاقان عباسی کی گرج برس
Abdul Rehman
مسلم لیگ ن کے رہنما شاہد خاقان عباسی نے کہا ہے کہ این اے 75 ڈسکہ میں بدترین دھاندلی ہوئی ہے۔
مسلم لیگ ن کے رہنما اور سابق وزیر اعظم شاہد خاقان عباسی نے میڈیا سے بات کرتے ہوئے کہا کہ ہمیں پولنگ کے لیے اضافی وقت نہیں دیا گیا اور ریٹرننگ آفیسر کوئی بات سننے کو تیار نہیں تھے۔
انہوں نے کہا کہ ریٹرننگ آفیسر شدید دباؤ کا شکار تھے جبکہ پولیس خاموش تماشائی بنی کھڑی رہی۔ بھونڈے طریقے سے الیکشن چوری کرنے کی کوشش کی گئی۔
سابق وزیر اعظم نے کہا کہ لوگ بتاتے ہیں سویلین کپڑوں میں لوگ پریذائیڈنگ افسران کو لے گئے اور پریذائیڈنگ افسران نے بہانے پیش کیے۔ این اے 75 ڈسکہ میں بدترین دھاندلی ہوئی ہے۔
انہوں نے کہا کہ 20 پریذائیڈنگ آفیسر بھی ریکارڈ سمیت غائب ہو گئے، حلقے کے 361 پولنگ اسٹیشنز ہیں اور 341 کا نتیجہ آ گیا ہے۔
