این اے 75سیالکوٹ ضمنی انتخاب: ضابطے کی خلاف ورزی پر عثمان ڈار کو نوٹس جاری

0


سیالکوٹ : الیکشن کمیشن نے این اے 75 سیالکوٹ میں ضمنی انتخاب میں ضابطے کی خلاف ورزی پر معاون خصوصی عثمان ڈار کو نوٹس جاری کر دیا۔

تفصیلات کے مطابق این اے 75سیالکوٹ کے ضمنی الیکشن کی مہم حتمی مرحلےمیں داخل ہوگئی ہے ، ن لیگ اور پی ٹی آئی کے ارکان انتخابی مہم میں آمنے سامنے ہیں۔

الیکشن کمیشن نے ضمنی انتخاب میں ضابطے کی خلاف ورزی پر نوٹس لیتے ہوئے وزیراعظم کےمعاون خصوصی عثمان ڈار کو نوٹس جاری کرتے ہوئے کہا حکومتی عہدہ رکھتے ہوئے انتخابی مہم میں حصہ کیوں لیا؟

الیکشن کمیشن نے ڈسکہ میں انتخابی امیدوار کے ہمراہ موجودگی الیکشن ایکٹ 2017کی خلاف ورزی قرار دیتے ہوئے عثمان ڈار کو ذاتی حیثیت میں ڈسکہ کے مقامی آفس پیش ہونے کی ہدایت کردی۔

انتخابی مہم میں اپوزیشن جماعتوں کےمنتخب ارکان اسمبلی نے بھی شرکت کی جبکہ احسن اقبال، رانا ثنااللہ،خرم دستگیر، جاویدلطیف بھی مہم میں شرکت کر چکے ہیں۔

خیال رہے این اے 75 میں ضمنی انتخاب کا معرکہ 19 فروری کو سجے گا ، علی اسجد ملہی تحریک انصاف کی ٹکٹ پر انتخاب لڑیں گے۔

LEAVE A REPLY