Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
ایئر ٹریفک کنٹرولر کی مبینہ غفلت، غیرملکی طیارہ حادثے سے بال بال بچ گیا
Abdul Rehman
کراچی: ایئر ٹریفک کنٹرولر کی مبینہ لاپرواہی کے باعث غیرملکی طیارہ حادثے سے بال بال بچ گیا، انتظامیہ نے واقعے کی تحقیقات کا آغاز کردیا ہے۔
ذرایع کے مطابق ایئرٹریفک کنٹرولر نے طیارے کو غلط گائیڈ کیا جس کی وجہ سے جہاز 8ہزار فٹ بلندی کے بجائے 5ہزار فٹ بلندی پر پہنچ گیا، طیارہ جیسے ہی 5ہزار فٹ بلندی پر پہنچا گراونڈ پر اکسیمیٹی وارننگ سسٹم(GPWS)جاری ہوگئی، کپتان نے حاضر دماغی کا مظاہرہ کرتے ہوئے طیارہ کو واپس اوپر لے گیا۔
اس ضمن میں ذرایع نے یہ بھی بتایا کہ جی پی وارننگ سسٹم نے پہاڑی علاقے کی نشاندہی کی تھی۔ سول ایوی ایشن حکام نے واقعہ کا نوٹس لیتے ہوئے ایئرٹریفک کنٹرولر کو فوری طور پر معطل کیا اور تحقیقات بھی کررہے ہیں۔
ترجمان سول ایوی ایشن اتھارٹی(سی اے اے) کا کہنا ہے کہ موسم کی خرابی کی وجہ سے پائلٹ نے طیارے کو نیچے لانے کے لیے اجازت مانگی تھی، کنٹرولر نے اس کو نیچے آنے سے منع کردیا تھا، کپتان نے دوبارہ رابطہ کرکے کہا کہ موسم بہت خراب ہے مجھے ڈیسنٹ کی اجازت دی جائے، کنٹرولر نے کپتان کے اصرار پر طیارے کو نیچے آنے کو کہا۔
بعد ازاں ایئرکنٹرولر نے غفلت کے باعث طیارے کو 8 ہزار فٹ بلندی کے بجائے پانچ ہزار فٹ پر بلالیا تاہم کپتان نے حاضر دماغی دکھائی اور کئی زندگیاں بھی بچا لیں۔
