Notice: Function _load_textdomain_just_in_time was called incorrectly. Translation loading for the eventin domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/todaysne/domains/todaysnews.pk/public_html/wp-includes/functions.php on line 6114
اشتعال انگیز تقریر اور بغاوت کے مقدمے میں اہم پیشرفت
Abdul Rehman
کراچی : اشتعال انگیز تقریر اور بغاوت کے مقدمے میں انسداد دہشتگردی عدالت نے منظور پشتین اور محسن جاوید کے ناقابل ضمانت وارنٹ گرفتاری جاری کردئیے۔
تفصیلات کے مطابق کراچی کی انسداد دہشت گردی عدالت میں اشتعال انگیز تقریر اور بغاوت کے مقدمے میں اہم پیشرفت سامنے آئی ہے، عدالت نے مقدمے میں ضمنی چالان منظور کرتے ہوئے منظور پشتین اور محسن جاوید کو مفرور قرار دیا ہے۔
عدالت نے دونوں ملزمان کے ناقابل ضمانت وارنٹ گرفتاری جاری کرتے ہوئے مفرور ملزمان کو گرفتار کرکے 9 مارچ تک پیش کرنے کا حکم بھی سنایا ہے۔
پولیس چالان میں بتایا گیا ہے کہ مقدمے میں نامزد دیگر پانچ ملزمان کو گرفتار کرلیا گیا ہے ، پولیس کارروائی میں جاوید، طاہر، ابراہیم، نعمت اور سرور کی گرفتاری عمل میں لائی گئی۔
چالان میں پولیس کا کہنا ہے کہ ملزمان نے قومی اداروں کے خلاف نازیبا زبان استعمال کی, نازیبا زبان استعمال کرنے پر علی وزیر اور دیگر افراد کے خلاف مقدمہ سہراب گوٹھ تھانے میں درج ہے۔
